2025 жылдың 8 мамырында “Электр энергетикасы және еңбекті қорғау” кафедрасы Ұлы Отан соғысының аяқталып, Ұлы Жеңіске 80 жыл толуына орай «Мәңгілік даңқ – Ұлы Жеңіске 80 жыл» атты дөңгелек үстел өткізді. Аға оқытушы Ж.Қ. Қабасова іс-шараның маңыздылығына тоқталып, ардагерлердің майдандағы және тылдағы ерлігін есімізде сақтап, мақтан тұту, құрметтеу парызымыз екенін атап өтті. Аға оқытушы С.И. Ажибекова өз сөзінде бүгінгі ұрпақ үшін Ұлы Жеңістің 80 жылдығы – тек тарихи дата ғана емес, бұл – бейбіт өмірдің бағасын білуге, бабалар аманатына адал болуға шақыратын маңызды белес екендігін айтты. Соныме қатар Ұлы Отан соғысында жанын шүберекке түйіп, бейбітшілік үшін күрескен батырларымыздың ерлігі ешқашан ұмытылмайтынын жеткізді.
