2025 жылдың 18 наурызында Электр энергетикасы және еңбекті қорғау кафедрасының ұстаздары мен студенттері жаңа қабылданған тұжырымдамаға сәйкес, қазақ халқының, Қазақстан қоғамының мәдениеті мен салт-дәстүрін, әдет-ғұрпы мен қоғамдық құндылықтарын айшықтау мақсатында, Наурызнама онкүндігі аясындағы Ұлттық киім күніне орай «Ұлттық киім – ұлттық рухтың айнасы» атты ашық кураторлық сағат өткізді. Іс-шара барысында кафедраның ұстаздар қауымы мен студенттері өз өнерлерін ортаға салып, ұлттық ойындар «Асық ату», «Арқан тартыс» ойнап, ата бабаларымыздың «Сырға салу», «Қымызмұрындық» сияқты озық салт-дәстүрлерін көрсетті. Ұстаздар мен қызметкерлер сұрақ-жауап сайысына қатысып, сыйлықтарға ие болды. Іс-шараның соңында келген қонақтарға ұлттық тағамымыз Наурыз көже таратылып, дастарханнан дәм тату ұсынылды.